La Nord-Okcidenta Regiona Esperanto-Konferenco (NOREK) malfermis sian 44-an jaron je la 22-a de aŭgusto per bonvena vespermanĝo ĉe Chill N Fill Bar and Food Carts en Portlando, Oregono.

 

En Portlando, manĝaĵkamionoj estas grava parto de la loka kulturo. Kvankam, tia fenomeno ne limiĝas al la urbo, la granda diverseco da kuirartaĵoj disponeblaj en unu loko estas konsiderata karakterizaĵo de la portlanda vivo. Tiaj aranĝoj ebligas al partoprenantoj ĝui diversan elekton de manĝaĵoj, kio aparte taŭgas por grandaj grupoj kun malsamaj preferoj.

 

Bedaŭrinde, la semajnfino de la 22-a de aŭgusto 2025 montriĝis la plej varma de la jaro en Portlando, kun temperaturoj preskaŭ 104°F (40°C). Tamen, tio ne baris esperantistoj el la nordokcidento de Usono kaj okcidenta Kanado ĉeesti. Pli ol 20 partoprenantoj kunvenis en la kelo de la Augustana Luterana Preĝejo sabate por aŭskulti prelegojn en Esperanto, partoprenis en tresorĉasado kaj interparoli kun samlingvanoj.

 

Prelegoj pri diversaj temoj estis prezentitaj de John DALE, Ŝeri WELLS, Aŭtuno TAFOYA, Alejna WARFIELD, Reĝo REMIGIO, Nikvo WELLS, kaj la prezidanto de Esperanto-USA, Brandono SOWERS.

 

Poste, ni vespermanĝis ĉe McMenamin’s Broadway Pub, ŝatata loka restoracio en Portlando.

 

Dimanĉe, la lasta tago de la konferenco, estis planitaj du ekskursoj. La unua devis esti ŝanĝita lastmomente, kiam oni malkovris, ke la Sabata Merkato (kiu dum la lastaj jaroj okazis kaj sabate kaj dimanĉe) ŝanĝis siajn horojn denove al sabata malfermo. Anstataŭe, la partoprenantoj renkontiĝis ĉe la fama portlanda institucio Voodoo Doughnut, konata pro siaj nekutimaj kaj kreemaj benjetoj, ekzemple unu el acerkremo kaj lardo. Poste, ni ĝuis la aĉetitaj benjetoj en Tom McCall Waterfront Park apud la rivero Willamette.

 

Poste, la grupo vizitis la konatan librejon Powell’s City of Books, kiu okupas tutan urboblokon. Post librofoliumado, la ĉeestantoj adiaŭis unu la alian.

 

Dum tri tagoj preskaŭ tridek esperantistoj de ĉiuj aĝoj kaj lingvoniveloj kunvenis por ĝui la internacian lingvon kaj la komunumon, kiun ĝi nutras. Resume, la konferenco sukcesis daŭrigi preskaŭ kvar-kaj-duonan dekjaran tradicion. Ĝis venontjare!